消息详情

✝️ ካየሁት እና ከሰማሁት 👀 +👂 ❖ ክፍል 1 ..... ታክሲ ውስጥ ሆኜ ሁለት ሰዎች ሲያወሩ እሰማለሁ ። ርዕሳቸው ስለ ፈጣሪ መኖርና በዙሪያችን ስለሚፈጠሩ ምድራዊ ችግሮች ነው ። አንደኛው " እኔ እግዚአብሔር አለ ብዬ ለመቀበል እቸገራለው ምክንያቱም ይህ ሁሉ ረሃብ ፣ ጦርነት እያለ ዝም ብሎ የሚመለከት አምላክ አለ ብሎ ለመቀበል ይቸግረኛል ።" ሲል ! ጓደኛው ቀበል አድርጎ "ፈጣሪን ተወውና አንተስ ምን አደረግክ ?" አለው ። እኔም በጓደኛው መልስ በጣም ተገርሜ በልቤ ይህን አሰብኩ ፦ እ ! ..... አስተውላችሁ ከሆነ ! አብዛኛውን ጊዜ የዓለምን ክፋትና ጉድለት ስንመለከት ጣታችንን ወደ ሰማይ መቀሰር ያምረናል ። "ለምን ጦርነት ይሆናል? ለምን ረሃብ ይበረታል?" እንላለን ። ነገር ግን ጦርነቱን የሚጭረው ፣ ረሃቡንም የሚያመጣው ፣ ጥላቻውን የሚዘራው ራሱ ሰው መሆኑን እንዘነጋዋለን ። እግዚአብሔር ሰውን ማሽን አድርጎ አልፈጠረውም ፤ የራሱ ምርጫና ነፃነት (Free Will) ሰጥቶታል ። ዓለም የምትበላሸው ፈጣሪ ስለሌለ ሳይሆን ፣ ሰው የተሰጠውን ነፃነት ለጥፋት ስለተጠቀመበት ነው ። ዓለም እንድትቀየር ከፈለግን "ፈጣሪ ለምን ዝም ይላል?" ከማለት ይልቅ "እኔ በበኩሌ ምን እያደረግኩ ነው?" ወደሚለው ጥያቄ መዞር አለብን ። በረሃብ ለሚሰቃይ ሰው አንተ አንድ እንጀራ ስትሰጥ እግዚአብሔር መኖሩ በአንተ በኩል ይታወቃል ፣ በአንተ ምክንያት ቸሩ መድኀኔዓለም ይመሰገናል /ማቴ 5÷16/ ። ልክ እንደዚሁ ለቤተ ክርስቲያን ጥፋትም የእግዚአብሔርን ዝምታ ፣ የካህናትን ኃጢአት እያየን ለምንሰናከል ሁሉ መልእክቱ ለእኛም ነው ። ..... "እኔስ ምን እያደረኩ ነው ?" በሉ ! #ጥቅምት 25 ቀን 2019 ዓ.ም

AI 助手

通知訊訊

相關消訊